陳少霞七月生得！李文輝玩神秘唔講BB性別

「中國法拉利之父」李文輝出席首映活動，其妻子陳少霞懷孕已6個月，即將再為人父的他心情不錯，台上分享時更表示：「我唔係第一次做爸爸，但呢次畀咗機會我同少霞再次學習為人父母。」

事後受訪時他大方透露少霞預產期為今年7月，不過談到胎兒性別，他即謂：「遲啲同大家分享，仔女都冇所謂，最緊要佢健康。（改定名？）中、英文名都有啲心水，但暫時未決定。（少霞情況好好？）係呀，只係頭3個月變化大啲，BB好活潑，成日郁手郁腳。（留港生產？）係。（諗住擺百日宴定滿月酒？）應該係百日宴。」