紅館和唱撐艾粒　蕭潤邦：偷偷泣咗兩嘢

「生煎包王」蕭潤邦（Oscar）在2007年曾以組合Bliss身份出道，但不久就離開樂壇，多年未有在公開場合獻唱，近日竟然在組合艾粒的演唱會上擔任和音。騷後他在Instagram上載幾張做和音的照片，發文：「今次幫艾粒仔做和音，好多朋友問我點解咁嘅…點解咁嘅？因為認識了艾粒仔十幾年，從來只有我叫佢哋幫手，而佢哋夠膽死次次都撐到天腳底，所以今次佢哋問我可唔可以幫佢哋首個紅館演唱會做和音一齊玩，雖然我十幾年都沒有在公開場合唱歌了，仲要今次係紅館呀大佬，自己生意也忙到扯晒蝦，但我沒有想過我應唔應付到，我就一口應承了，因為我都撐你哋撐到天腳底，無嘢好考慮。」

Oscar自爆在騷上被艾粒搞到好感動：「我也偷偷泣咗兩嘢。」他又謂紅館真的很靚，這世都會記住。一眾圈中好友如方力申都讚他做得好，亦有粉絲問他幾時再出碟。