自我增值　Yanny@SG同溫碧霞鬥戲

組合Super Girls（SG）成員陳穎欣（Yanny）出席英皇電影《墮落花》開鏡儀式，她透露飾演年輕版溫碧霞，角色比較沉重：「之前同紅姐（惠英紅）合作恐怖電影，我都係做大肚婆，不過最後生唔出。」

電影匯集一眾好戲之人，她笑言一直恨與溫碧霞合作：「我有朋友係姐姐（溫碧霞）身邊嘅工作人員，一直聽講佢係超級無敵好人，未見其人，今次第一次見到佢，真係好想認識呢位電影圈大好人。」雖然飾演對方的年輕版，但仍有機會與「姐姐」同場：「有一幕算有少少同場，已經好開心喇！」

報讀配音班學發音

講到Super Girls今年各有各忙，Yanny將朝影圈發展：「我哋各自都有唔同嘅工作，我主要會向演戲發展，其實我入行以嚟一直都好想拍電影，適逢有呢個機會，真係好感恩。（有冇增進自己嘅演技？）以前有跟彭秀慧老師、鄧智堅老師學做戲，佢哋都係好出色嘅舞台劇演員、好好嘅老師，嚟緊都會繼續學戲，加強自己嘅專業，仲報讀咗配音班，希望咬字、發音方有所改善，唔再停留喺以前嘅Level，可以做唔同嘅角色。」