點解用新人做金像獎主持?爾冬陞親解原因

20190412
東網電視
更多新聞短片
爾冬陞話係一早計劃好搵新人做金像獎主持。
「第38屆香港電影金像獎」將於本周日舉行,主席爾冬陞(小寶)率領余香凝、陳嘉桓、廖子妤、袁澧林、鄧月平等新世代主持出席拜神儀式。
今屆起用新人當主持,小寶表示一早計劃好:「我哋唔係抄奧斯卡,佢哋有人甩底先咁,我之前喺導演會春茗講過,呢4年新導演80個入面有20個入咗會,新演員有128個,世代交替不能不接受,我都花甲之年啦!今年金像獎集合咗32人,佢哋排練好足,唔可以唔嚟,機會難得,起初表現我係有啲擔心佢哋會出錯,但其實犯錯都唔係大問題,今次係畀佢哋見吓世面。」
對於有不法之徒於網上兜售金像獎入場券,小寶表示上任4屆以來均有發生,他說:「試過有Crew開心影咗張入場工作證擺上網,之後畀人拎咗嚟改圖,又試過有工作人員遺失張證,亦試過喺場內畀人偷咗再轉售,我哋都有同警方密切聯繫,擔心有人被騙,賣幾千蚊一張,握手位就8千,我哋亦Capture咗交收相片畀警方,雖然捉唔到人,但叫做制止咗件事。」
談到周家怡日前上載仿製金像獎獎座,小寶不諱言睇到也笑一笑,指內地的確有做世界各地獎座的渠道,大多作派對之用,他坦言金像獎本身有版權,並非隨便可用,但認為今次事件對金像獎沒有大傷害,所以不作追究。
----------------------------
東網巨星開咗ig喇,大家快啲follow啦!