傳承粵劇　尹飛燕尤聲普：每代都有叻人

粵劇名伶尹飛燕、尤聲普到尖沙咀出席香港教育大學粵劇傳承研究中心舉辦的《粵劇．粵曲晚會》記者會，大會宣布6月20日及21日舉行不同劇目的晚會，而兩位名伶將於21日晚上表演。講到向年輕人推動粵劇文化，兩位老倌都不遺餘力，異口同聲表示會繼續演出，會在學校推廣粵劇，希望做到傳承。

尤聲普認為粵劇界青黃不接多年，單演粵劇難以謀生，因此令年輕一輩冇興趣入行：「個個父母都話要贏在起跑線，我哋古老行業係難維持，我都好擔心冇年輕人入行，好多謝仲有人致力推動粵劇。」

尹飛燕則表示，自小學戲，較着重基本功，現時年輕人通常到十多歲才因興趣接觸粵劇：「新一代好幸運，有好多人幫。（會唔會好難教？）又唔可以咁講，時代唔同，每一代都有叻嘅人。」