陳敏之減產陪囝囝:唔想錯過佢嘅童年

2019年04月13日 15:27
東網電視
更多新聞短片
陳敏之話唔係有經濟問題,唔使拋個身出嚟。

藝人陳敏之抱恙出席仁濟醫院青少年及幼兒服務舉辦的「凝心聚力·守護幼兒」宣誓禮暨「家庭義工推廣計劃分享日」,身穿羽絨外套的敏之透露因近日天氣忽冷忽熱而氣管不適,更要與心愛的囝囝保持距離:「唔可以錫佢,我喺屋企都戴口罩。」

敏之稱下星期便飛往加拿大登台及宣傳無綫節目,她笑言:「我都想快啲離開香港,唔想傳染到個仔。(去登台使唔使練定歌?)我主持《流行經典50年》都會經常唱歌,係個好訓練,都儲埋幾多歌。」近年甚少拍劇的她坦言自從有了小朋友後要減產,每年只能拍一至兩部劇,因為要分配時間給家庭及曲奇餅生意:「最近曲奇餅生意幾好,啱啱研發另一隻餅,忙緊試食。囝囝依家兩歲,好好玩,我唔想錯過咗佢嘅童年,劇就幾時都可以拍,如果我有經濟問題,就要拋個身出嚟啫,但依家各方面都好穩定。啱啱幫囝囝報咗學前班,8月開學。依家小朋友學嘅嘢好深,我唔係怪獸家長,但如果將來我教唔到,我會搵專業人士去教,但我會陪喺佢身邊。」