冇錢學整甜品!李美琪整復活蛋應節過癮

2019年04月14日 07:32
東網電視
更多新聞短片
李美琪話有興趣學整甜品,但法國開辦嘅課程,最少要10幾萬!

復活節將至,藝人李美琪(牛雜妹)急不及待學整復活蛋應節,佢喺社交網上載與黃芷晴整朱古力復活蛋嘅過程,見佢全神貫注咁慢慢整,結果整咗一隻兔仔造型嘅復活蛋出嚟,相當可愛。佢話好好玩,導師預早整好咗啲朱古力片畀佢哋慢慢拼拼合合:「不過都好考技術同耐性,雖然一人整一隻,但我同芷晴分工合作,好快手就一齊完成咗我哋嘅免仔。」

另外,李美琪表示對整甜品亦相當有興趣,從細到大都好希望有機會去學,但問過啲由法國開辦嘅課程,最少要10幾萬,要再努力啲工作賺錢先可以上堂。