金像奖同胡定欣撞样！毛舜筠：唔只后生十年

艺人毛舜筠出席协康会活动，与小朋友一起装饰蛋糕，并呼吁关注有特殊需要的儿童。她昨晚在金像奖的造型令人眼前一亮，被指年轻了十岁，甚至有人误认她是胡定欣，她笑言：“咁似定欣就唔止后生咗十年。其实要多谢我个化妆师同发型师，系团队功劳。（你颁奖时讲嘢嘅好好笑。）我唔系跟稿读，我有改咗少少稿，其实我想改多啲，不过主席尔冬升话唔好改得太离谱同太多爆肚，因为今年大会有手语同翻译。”她大赞今年颁奖礼十分流畅，尤其一班新人的表现很好：“通常新人都会怯场，佢哋只系有少少紧张，但冇失准，我见到佢哋就觉得香港影坛有希望，好享受成晚个骚。”

另外，对于同公司的蔡卓妍失落影后，去年夺影后的她坦言：“佢攞唔到，大家都有啲失望，尤其系老板，我睇咗佢套戏，佢系一个好用心嘅演员，但《三夫》嘅女主角太强，如果畀多次机会佢，佢继续努力就一定会得，千祈唔好放弃。（你有冇安慰佢？）寻晚颁奖前我有问佢紧唔紧张，佢话唔紧张，因为觉得自己未必得，我同佢讲得奖与否都只系经历，如果唔得嘅时候，最紧要系有下一次，以往输嘅时候我都系咁谂，总会得嘅，我就系最好嘅例子。”