女友掛住篤手機　林德信冇癮秒黑面

藝人林德信（Alex）向來女人緣旺盛，緋聞多多，但自撻着同樣愛好瑜伽的Candace Poon後二人愛得甜蜜，不時被拍得情不自禁當街攬錫，他又帶女友出席父親林子祥及繼母葉蒨文的飯局，可見Candace早已「融入家中」，二人感情愈見穩定。

日前晚上8時許，Alex與女友雙雙現身中環一個商場拍拖，當時二人各自拿着一杯啤酒邊行邊傾，然後步往附近一間餐廳搵食。到達餐廳後，穿背心披着圍巾的Candace，為了騰出雙手篤電話，貪方便用手臂夾着杯酒，即使Alex站在旁邊說話，她一樣當耳邊風未有理會，令他開始面燶燶，索性撇下女友獨個兒行去櫃台拿餐牌，及後低頭族上身的Candace發現男友一臉怒氣，即時醒目地放下手機，還挨近Alex與他咬耳仔揀選食物，兩人大耍花槍一輪後才去醫肚。