張文慈大陸出騷　搞咩把聲冇埋？

藝人張文慈（Pinky）早前到內地出席活動，獲不少「慈粉」到場支持，更為偶像悉心準備了不少禮物，Pinky說：「佢哋好有心，有粉絲仲親手畫咗幅畫送畀我，畫到栩栩如生，又送咗好多自制匙扣同成都鴨舌畀我，可惜可能因為之前太攰唔夠瞓嘅關係，加上又食咗辣嘢，我一返嚟就開唔到聲喇，呢幾日都係靠文字同人溝通，真係好嚴重，希望快啲好得返啦。」