林文龍痰上頸 歐陽震華化學物質變琺瑯質

2019年04月16日 07:32
東網電視
更多新聞短片
《法證先鋒》中的林文龍與歐陽震華令觀眾留下深刻印象。

無綫凌晨時份正重播《法證先鋒》,演員包括林文龍、歐陽震華(Bobby)和蒙嘉慧等,而該劇角色中不是警員就是法證、法醫,對白中包含大量專業名詞,而於《法證II》中,就加入埋鄭嘉穎同佘詩曼,不過,幾專業都好,佢哋日拍夜拍,總會有老貓燒鬚講錯對白嘅時候。

網上就有一條NG片,平時好專業、好好戲嘅文龍同Bobby都頻頻NG、甩嘴講錯對白,不過做演員趕通告真係會好攰,唔好話講對白,就算平時講嘢都「漏口」!有一場文龍同嘉穎、阿佘喺茶檔飲茶嘅戲份,文龍講對白時忽然痰上頸,搞到阿佘、嘉穎忍唔住大笑,仲笑問文龍:「你冇事吖嘛!」

而Bobby喺劇中飾演法證,有場佢講解疑點時,就多次將化學物質講成「琺瑯質」,NG多次,搞到阿佘忍唔住喺佢耳邊係咁講多次「化學物質」,等佢好好記住。