大女11歲生日變仙女　田亮感慨：被拋棄

前跳水王子田亮曾帶同一對仔女出演內地真人騷節目《爸爸去哪兒》，唔經唔覺大女田雨橙（森碟、Cindy）11歲喇！田亮及太太葉一茜喺微博晒出多張照片。照片中，森碟身穿一襲粉紅色連身裙及頭戴花環，一頭長髮，似足仙女一樣，網民都感嘆轉眼間森碟已經亭亭玉立，愈大愈靚仲腳長長添！

田亮都感慨咁話：「幾年前那個動輒就趴在我肩頭哭的小女孩，又長大一歲了......老父親深感欣慰的同時，也漸漸被親閨女『拋棄』了，森碟和好朋友過完生日記得早點回家[允悲]」網友都搞笑安慰佢，話呢個係生女必經嘅階段，叫佢睇開啲咁話！