便利港產片入內地　林小明欲投資更多電影

政府今早（16日）宣布，中央原則上同意實行5項措施，便利港產片進入內地市場，多間電影公司老闆均表示歡迎，寰宇公司老闆林小明表示：「我哋爭取咗咁多年，終有成果，政府推出呢啲措施，對香港電影業有好大幫助，尤其香港與內地合拍片，喺演員比例上及內地元素上不作限制，呢點真係好重要，亦都對好多中小型電影有好大幫助。（呢啲措施會否令你計劃投資更多電影？）會。」

中國3D數碼娛樂公司老闆蕭定一亦表示：「業界多年嚟爭取嘅其中幾點，終於可以達成，當中第二點最重要，因為內地演員有啲都幾貴，如果可以全部用香港演員，可以減少投資額。除此之外，內地元素不作限制都非常重要，令到好多純港片，都可以有機會喺內地上映。」