男人最痛...唔係許志安 受害人係馬國明!

2019年04月16日 15:35
東網電視
更多新聞短片
真係...

許志安啲歌,首首夭心夭肺,「男人最痛算這種」、「試問堂堂男人,如何能忍。」講嚟講去都係男人最痛,但痛嘅唔係許志安,而係馬國明!

女友黃心穎偷啜人夫許志安,馬國明經歷男人最痛!最諷刺嘅係,馬國明同「的士」有緣,佢拍《降魔的》,女友就係的士偷啜...慘到冇朋友。網友睇通世事,話不如拍番部《狂摸的》,真係吹脹!

網友仲瘋狂改圖,將馬國明揸的士嘅劇照,Key埋安仔同心穎喺車廂後,馬國明慘到爆!仲有網友安慰馬國明,車廂後互啜嘅,其實係蔡一智同埋杜德偉(PS呢兩位人兄無辜被拖落水,許志安叫錯過做杜德偉,黃心穎就被網友話同蔡一智撞樣)!