對黃心穎印象普通 馬國明母爆阿仔在家睇波

2019年04月16日 16:16
東網電視
更多新聞短片
黃心穎偷食,令男友馬國明媽媽都成為焦點人物。

「民間視帝」馬國明女友黃心穎被爆偷食「人夫」許志安,於車廂中還主動激咀對方,身為「正印」的馬國明尚未回應事件,但有傳媒今日就於其太古城寓所樓下遇見馬國明母親,對於突然被追訪也感愕然,表示對事件不知情,更指最近一次見心穎是過年,對二人感情事未有過問,以往也只見過心穎幾次,對其印象普通,沒有喜歡與否。問到兩人是否感情好穩定,馬媽媽就表示:「即係咁講,我唔係好理小朋友嘅事,佢哋啱、結婚嘅,可以同我講,但係佢哋又冇提過。」

問到馬國明是否在家中?她說:「係呀,佢冇嘢喎,仲喺度睇緊波,晏啲仲話要開工。(會唔會擔心佢?)唔知喎,我又未證實到。」再問會否對心穎失望?她表示:「我覺得呢嘢等番佢哋自己搞,因為我真係唔係好理呢啲嘢。」講到兒子是否很投入戀情?馬媽媽說:「我真係唔係好理呢啲嘢,我見佢3、4次,都係話唔使開工,咪帶返嚟屋企食飯。」