【冇得再出碟?】Robynn&Kendy新碟扮蠟像

2019年04月16日 16:17
東網電視
更多新聞短片
Robynn & Kendy好似有啲灰心喎!

唱作組合Robynn & Kendy出席電台宣傳新碟「Curations」,唱片套設計成紀念冊一樣,她們說:「我哋都係今日先睇到實物,係我哋第六隻碟,有實體碟出好難得,好感動,7年出第六隻,好Amazing!上次張碟主題係畫廊,今次主題係展覽品。(下次乜嘢主題?)如果有下次,我都諗緊可以係幾時...(好似好灰?)因為依家聽音樂習慣係聽單曲,自己都係聽單曲多,所以好珍惜今次,當收藏品。(講到好似唔再出碟咁?)CD舖都係幾個月先有新碟出,依家都係出Digital多。」

此新碟是新曲加精選,採雙CD,收錄了9首新歌及20多首舊歌,除了結他外,還加入電音元素,Robynn & Kendy又透露五月會有簽名會和舉行音樂會。提到新碟封套造型跟平日不同,偏向成熟,她們說:「好鍾意,係時候成長,今年第7年,前面好多可能性,試新嘢好緊要,啱番個主題,用歐洲式展覽感覺,成件事好完整,由美指到MV都好連貫主題。」她們又笑指在扮蠟像。