撞樣黃心穎出事！蔡一智IG慘被網民發洩

歌手許志安同黃心穎喺的士偷情斷正，估唔到蔡一智都慘被牽連！因為黃心穎嘅IG關閉留言功能，搞到一班網友唔可以留言鬧爆佢，所以就轉去同黃心穎「撞樣」嘅蔡一智嘅IG「發洩」，直情當正佢係真嘅黃心穎，例如話：「會唔會叫馬國明原諒你？」、「對唔對得住鄭秀文？」、「經一事，蔡一智，下次小心啲喇，菜心穎」、「原來你住鯉魚門㗎一智」、「好地地騎杜德偉做咩呢你話」、「你同杜德偉去鯉魚門搞咩」、、「蔡一智今次你就唔啱啦，同杜德偉搞埋啲咁嘅嘢」、「做咩撬sammi牆腳呀」，留言簡直笑死人，認真抵死！