【疑似聲帶流出】陳煒不屑黃心穎黐人夫？

無綫藝人黃心穎被爆於的士咀爆人夫許志安。網上即流傳一段女性聲音短訊，指聲音來自陳煒，但其實聽落整段聲音檔，根本同陳煒本人聲線不同，聲音內容如下：「嗰時同萬綺雯返大陸拍劇集《東坡家事》，都見佢（心穎）同人夫王浩信拖手，又成日黐埋佢度，肯定有景轟啦！有次宣傳，心穎仲同萬綺雯講，啱啱先去完蘭桂芳飲完酒，當時都知係Wet妹玩玩吓，佢同馬明都唔慌耐，肯定係貪馬國明傻吓傻吓咁啦！」對於被指「爆料」嘅陳煒接受訪問時表示：「都知呢件事，識我嘅人都知我把聲同語氣唔係咁㗎啦，所以我都唔需要去解釋，成件事假嘅，條聲係假嘅。」

而亦有人認得女聲是無綫藝人王綺琴，對此，東網致電給她，王綺琴只表示與心穎不熟，再傳該聲帶給她時，她謂：「聽到都有幾分似我把聲，不過我冇同萬綺雯去過大陸拍嘢，另外我拍《東坡家事》時同黃心穎冇乜對手戲，我都唔熟佢，我諗你哋誤會嘞！」至於被指遭拖手的王浩信就回應謂：「嗰位同事我諗誤會咗嘞！我喺《東坡家事》同心穎係飾演一對夫妻嘅，見到我哋翹手同拖手嘅動作，都係排緊戲同做緊戲嘅時候，喺戲外絕對冇呢啲事發生。」

網上咩消息都有，有話司機賣條片收咗40萬，又話安仔同心穎早喺上星期已經知道畀人影咗，有晒心理準備同埋協調緊，又指心穎預咗件事遲早爆，所以早幾日已經關閉社交網留言功能。又有網友話識鄭秀文家姐，話鄭秀文一早知道事件，又話已經原諒咗許志安喎。