許志安嗒黃心穎 靚靚:人哋嘅事唔講!

20190416
東網電視
更多新聞短片
靚靚話唔講咁多。
藝人袁詠儀(靚靚)到尖沙咀出席護膚品牌活動,穿上一襲黑色性感晚裝的她自言為出席今日活動而「少食多餐」收肚,更笑指嚷着要減肥的丈夫張智霖(Chilam)身形似多啦A夢:「佢自己知自己事啦!起碼要減20磅,中央肥胖對健康唔係幾好,尤其係佢身體抵抗力一直唔係幾好,好容易被人傳染就病。」
她又形容老公於飲食方面「自制唔夠」,記者即笑問:「佢其他方面自制夠咪得囉。」暗指許志安、黃心穎偷食事件,靚靚即謂:「冇諗過你哋咁問喎!人哋嘅事唔講喇,係朋友就收聲。(擔心老公有飛來蜢?)我老公有講,話呢個世界冇話冇咗邊個唔得,唔係?實就冇事,我會充實自己、盡量自強。(覺得依家搭的士都冇私隱?)我有兩個司機,搭的士機會少。」她直認與許志安太太相熟,心底裏有少許擔心對方情緒。
望稅項有多啲優惠
談及內地放鬆合拍片條件,靚靚開心表示:「好事,尤其對新人及新導演嚟講多啲機會。我都有擔心過可能冇咗港產片,依家可以讓內地觀眾更加認識港產片,係文化交流嘅一種。如果可以嘅話,稅項方面多啲優惠仲好呀!」