暂时停工！许志安爆喊道歉：我系丑恶嘅人

许志安与黄心颖爆出车厢啜爆一事，安仔作为人夫犯下“偷食”弥天大错，晚上七时由经理人黄柏高陪同下在酒店举行记招交代事件，身穿黑衫的他眼红红现身，先向台下向现场过百传媒躬鞠5秒，然后步伐缓慢行去咪牌前坐低。

他先深呼吸，随即哽咽，耷低头爆喊：“首先就今日记者会目的系好想亲口同大家讲对唔住，为家人、Sammi家人、朋友、锡我嘅人致万二分歉意。自己做咗一件不可弥补、不被原谅嘅事，呢个错误深深咁样去反思自己，我系一个丑恶嘅人。”然后索一下鼻水，喊住续讲：“今日来到呢度承担我嘅责任。我个晚的确饮咗好多好多酒，但饮醉酒绝对唔系借口犯呢啲咁错嘅事，我好后悔，好难面对同接受唔到自己。”

认衰色心起

说到此处安仔继续讲：“睇到报道后，我觉得自己好丢脸、好错、好讨厌、好呕心、好陌生，我有深刻反思，点解唔可以控制自己去犯呢个错误、起咗呢个色心。我觉得承担这个责任要分两个部分，第一由依家开始暂停所有工作，直至搵番真正嘅自己同正确嘅自己，去重新检视自己学做人。第二，心灵上，觉得自己不知所谓，因为我嘅错误同行为，令身边所有爱锡我嘅人，承受一种咁大嘅压力同痛苦，我希望喺嚟紧嘅日子，所有被我整伤过、整痛过嘅人都可以好好。”

他表示：“呢个报道令我深刻反思，其实我最错嘅地方系迷失咗自己，最后我要再次同所有爱我嘅人讲，令到你哋难堪，我做错咗，对唔住。同埋对唔住Sammi。”安仔讲完呢句，好似说不下去，停顿了10秒后，先至再续讲：“唔知以后点去走自己嘅路，我呢刻冇咗灵魂，我系一个坏咗嘅人，希望大家可以畀时间我搵返自己。最后再一次同所有朋友讲声对唔住。”然后离开讲台，再次躬鞠10秒道歉，期间记者问他问题，如Sammi可有原谅他？演唱会可会取消等问题，他都没有回答就走了。

上到车继续喊

安仔于记者会完毕后，即由工作人员包围下匆匆离开，上车后他仍难掩悲痛，继续低头激动狂哭，之后乘七人车直返回浅水湾与太太的爱巢。之后，安仔于社交网留言：“最后作为一个丈夫，我要向Sammi说对不起，这是一个彻头彻尾的错误，我感到惭愧及痛心。请大家给予时间和空间我去学习怎样去改过及重新去做一个人。”