【許志安偷情】吳浩康：要小心啲

歌手吳浩康（Deep）現身電台宣傳新歌《天下烏鴉》，提到許志安疑與黃心穎雙雙出軌，吳浩康表示：「冇睇條片，之前都做緊訪問，人哋嘢唔多口。（公眾場合要注意？）要小心啲，好多人都裝車cam，好普遍，自己經過咁多事，行為收歛啲，講嘢都唔會咁粗豪。」

他亦透露新歌講述好多人都會在情場做過傷害伴侶的經歷，問到是否自己的心聲時，他說：「首歌反而唔係由自己出發，我同梁栢堅和藍奕邦坐低傾過，發現好多人情感世界都做過一啲唔好嘅事，一啲污點，每個人面對方法不同，有人指責他人，有人掩飾，有人探討自己行為，唔好睇到件事大不了，從教訓學習再向前行。」

他透露MV女角請來身材出眾的貝依霖和李天翔做男主角，他說：「公司男女同事都問，點解畀咁多衫貝依霖着，啲衫唔係我安排，人哋有演技，導演好有心機，唔想淨係用多布少布某啲畫面表達，佢本身已經好sexy，而李天翔又好好戲，同佢合作好享受，因為好快收工，演技幫到MV好多。」

提到與崔碧珈的緋聞，Deep說：「呢個階段無論遇到邊個女仔，都需要諗將來，但依家焦點放工作。」直言日後到結婚才會公開：「將來去到結婚嗰日先同大家分享，希望大家唔好嬲，因為覺得人生好難答到咁死，唔想講大話，唔想話冇可能性，想焦點放工作，自己係想結婚生仔，想上紅館。（想邊樣先？）邊樣得就邊樣先，每個人有朋友、事業、愛情和家庭，想建立自己領域板塊同時，人生其他地方，都希望開花結果。」