太太探訪老人家　鄧鉅明出錢又出力

太子珠寶鐘錶集團主席鄧鉅明及太太鄧宣宏雁（Emily）出席保良局活動，擔任總理嘅Emily話已有第5年加入保良局，覺得非常有意義，仲話曾經同仔仔探訪老人家，佢話：「嗰次去探訪，個老人家仲特登喺日曆用紅色筆圈住話等我哋嚟，覺得好感動。」佢又話叫老公搵多啲，等佢可以出錢又出力，鄧鉅明笑言：「都係幫我積福。」Emily話嚟緊復活節都要工作中度過，冇得放假：「通常假期媽媽陪個仔，又或者飛去探個仔，但我就唔係。」

賭王何鴻燊四太梁安琪亦有出席，講到佗B中嘅大女何超盈有傳喺美國待產，佢話：「唔係，去一陣，好快返嚟。（去探未婚夫？）當然。（唔擔心佢飛咁遠？）阿妹（指何超欣）都喺嗰邊。」