黄柏高为许志安求情：唔想佢一铺清袋

歌手许志安（安仔）经理人黄柏高（Paco）在安仔记者会后发声明，表示今日从北京返港一落机，即收到安仔电话，就其酒醉及不当行为道歉，深明犯下严重过错，表示希望暂停手上所有工作，深切反省。Paco指对方作为公众人物，要为自己行为负责，即时暂停其所有工作。

Paco接受东网电话访问，透露安仔向他承认犯错，并鼓励安仔出来开记者招待会认错，同太太郑秀文（Sammi）、家人讲句对唔住。Paco表示作为安仔经理人和朋友，相信安仔真诚道歉，而且现时声誉受损和这一刻暂停其所有工作，已经是最大惩罚。由于安仔九月的演唱会筹备需时，是否取消？他说：“要衡量过所有嘢先，希望大家原谅佢，佢一次犯错，一时糊涂，希望唔好判佢死刑，过往佢都做咗唔少公益事，都唔想佢一铺清袋。”

至于太太Sammi原谅咗安仔未？Paco说：“佢一定有同Sammi交代，系咪可以表态原谅佢，未知，努力在了解中，呢一刻答唔到你。（担不担心佢哋会离婚？）以今时今日社会角度嚟睇……片中女方采取主动……，当然呢样嘢唔可以赖晒人，始终都系安仔一时糊涂，一时蒙蔽，希望大家畀次机会佢，希望Sammi都畀一次机会佢。”