潘燦良失落金像獎　蘇玉華錫番

藝人蘇玉華與男友潘燦良拍拖出席護膚品牌酒會。二人悉心打扮，阿蘇更以Deep V晚裝上陣，談到二人護膚心得，她sweet爆謂：「好單向，就係我幫佢，不過佢皮膚幾好，天生麗質。」潘燦良搞笑謂：「我塊面大，用多佢好多護膚品，淨係伸個頭出嚟就得！」阿蘇即謂：「小心講嘢呀！」潘燦良靦覥答：「我意思係話伸塊面呀。」

談到失落金像獎「最佳男配角」，阿蘇有否「錫返」，潘燦良笑答：「有呀。我冇唔開心，都話21年前有提名冇出席係遺憾，今次好似去主題樂園咁玩咗一晚。」阿蘇笑說：「最開心嗰個係我，之前我哋同袁富華兩pair去食飯，話明邊個攞獎邊個請食飯，即係無論點我都有餐食。」

談到結婚問題，阿蘇笑指袁富華有提議兩pair「一齊結」，潘燦良卻反對：「分開玩兩日嘛。（真係有計劃？）不嬲都有，不過懶之嘛。」他又透露《逆流大叔》正籌劃原班演員拍另一個故事，自己亦期待稍後有機會與袁富華鬥戲。