【我的回憶不是我的】海鳴威泳兒再度合體

提起歌手海鳴威，相信好多人都會諗起佢喺2009年同歌手泳兒嘅合唱歌《我的回憶不是我的》，當年呢首歌唱到街知巷聞，成為唱K必點歌曲，仲喺頒獎禮奪得多個合唱歌曲獎，人氣一時無兩。不過之後海鳴威就一度絕迹香港樂壇，返回內地發展，令唔少網民都話好希望再睇到佢哋合體，就連今年2月泳兒亮相無綫節目《流行經典50年》，同吳浩康再唱呢首金曲時，都依然有好多網友話想睇到海鳴威回歸！

嚟到合作10周年，呢日佢哋都終於應網民要求合體啦！泳兒喺社交網甫出同海鳴威嘅飯局合照，興奮留言：「老朋友！」難得重聚，佢哋當然有再次合唱呢首成名曲啦，不過佢哋今次就搞搞新意思，大玩改歌詞嘅惡搞版，分別將「當晚與你記住蒲公英」唱成「當晚與你記住羅家英」，以及「總是太感性」唱成「總是要飲勝」，經典得嚟又不失搞笑，即獲大批網友Like爆！

泳兒喺留言重提覺得海鳴威好似張家輝，笑指「唔係張家輝」，而網友亦和應：「真係好似張家輝。」

網民有話兒：

李xx3Q：vincy唱得好深情

elexxxxnt_yxxn：確實要飲勝～我最鍾意呢個版本haha

katxxxuu：原唱出現了wow

dixxxon20x3：哈哈，10年後還是中氣十足