「坐」陣《鐵探》 黃智賢靠把口同惠英紅鬥
20190417
東網電視
更多新聞短片
黃智賢今次喺劇集《鐵探》入面全程要坐輪椅。
無綫藝員黃智賢在新劇《鐵探》中可謂最舒服的「鐵探」，皆因其角色不良於行，全劇均坐在輪椅上演出，靠「食腦」與惠英紅、許紹雄鬥智爭做警隊「一哥」，他說：「全套戲坐喺輪椅拍都係第一次，都幾新鮮，多謝公司優待，但係坐喺度都有難度，因為有走位記對白係容易啲，角色更講求淡定，表演出佢嘅智慧，靠把口，都羨慕佢哋嘅槍林彈雨戲。」
講權鬥題材新鮮
有別於一般警匪片宣揚英雄主義，黃智賢覺得講述警隊高層權鬥的《鐵探》題材新鮮，他說：「劇中同惠英紅最多對手戲，喺佢未離開無綫之前，合作過兩套古裝劇，今次同影后級合作好有挑戰性、好刺激，亦要有充足準備，好耐都未試過呢種感覺。」
大讚蔡思貝認真
黃智賢又大讚第一次合作的蔡思貝，更指對方喚起自己演員團火：「佢係一個好搏嘅年輕人，好認真，演員係需要搵生活體驗去符合角色。佢好投入去試，有場戲要佢喘住氣講嘢，佢真係走去跑圈，跑到面紅耳熱，好難得。呢啲真實感覺係初入行先有，亦喚醒自己演員嘅火熱，我以前都有，嗰陣人生體驗唔夠嘛，就搵真感受去彌補。」問到可有指點蔡思貝？他說：「唔會，演員係需要經歷，好欣賞佢想攞個真感覺出嚟，年輕有年輕嘅可愛，好欣賞佢單純嘅尋求。」
髮型：Willie Chan@hair culture
場地：香港九龍東皇冠假日酒店
----------------------------
東網巨星開咗ig喇，大家快啲follow啦！