親子跑步1公里！陳琪為乜搞到手指抽筋？
20190417
東網電視
更多新聞短片
陳琪同阿女一齊參加親子跑步。
藝人陳琪日前帶同細女到科學園參加親子跑步，大會別開生面以薯片吸引跑手，於中途設下薯片山，讓跑手任拎！結果陳琪母女目標一致，狂擸近30包薯片完成比賽，事後她笑說：「真係破晒紀錄，一般拎到幾包到十幾包，大會想我哋投入啲，咁我兩母女咪積極啲，成個賽事只係跑一公里，去到一半就開始擸薯片，跟住要拎住啲薯片跑埋嗰一半路程，我哋用啲手指夾實啲薯片囉！」
她笑指雖然但中途有跌薯片，但其他跑手都會出手相助：「沿途有啲跑手見到，都會幫我哋執番放喺我哋個身度，不過實在Handle唔到咁多，所以最後半程都係行返去終點，仲搞到手指硬晒軚抽筋添，平時聽人講跑步會抽筋，我今次真係體驗到，不過係搞笑版囉!」
----------------------------
東網巨星開咗ig喇，大家快啲follow啦！