密謀拍劇　麥包江美儀滕麗名馬國搵嘢食

藝人麥長青（麥包）、江美儀與滕麗名到馬來西亞吉隆坡為無綫節目《街市遊樂團》第五輯拍攝外景，三人在big big channel與粉絲傾偈，江美儀透露節目預計在七月出街，播出十集。麥長青說：「點解今次再嚟馬來西亞，因為其實好多地方都未拍過，今次會去偏遠嘅地方，旅行團都去唔到。」三人又指最可惜今次到馬來西亞遇不上榴槤當造，未能大擦一餐。

滕麗名指有不少粉絲希望她們三人一齊拍劇，江美儀笑說：「唔好做街市婆就得，希望同節目唔同，不如話我哋反目啦。」滕麗名笑說：「最好唔好古裝，太熱喇，一係我哋同麥包做父女呀，哈哈。」