與黃心穎同屆港姐 張名雅加把嘴表態

2019年04月17日 12:11
東網電視
更多新聞短片
「姊妹」都冇情講呀!

2012年港姐亞軍黃心穎與「人夫」許志安偷食事件鬧得滿城風雨,同屆港姐冠軍張名雅就加把嘴表態支持許志安太太鄭秀文(Sammi),佢喺IG留言:「呢個世界實在太多誘惑。大家都知道是錯的,但都會選擇犯錯。Mi,你要加油,活得更好。」其後又喺Sammi社交網留言以示支持:「God will have a way!mi要加油!」

雖然佢同心穎係「戰友」,又不時一同出席公開活動,但佢選擇幫理不幫親,支持同係教友嘅Sammi。而同時有網民要求無綫取消黃心穎亞軍資格,覺得佢完全不符合「美麗與智慧並重」嘅條件!

另外,圈中亦有唔少藝人紛紛到Sammi社交網留言表示撐佢,李美慧表示:「加油Sammi,人生總有起跌,一笑而過。專心發展你的事業,照顧好自己身體,你不會孤單,有主,有家人,有Fans,全部都是愛惜你的人,加油!」童愛玲就話:「加油!You are the best!」而琦琦亦留下心心及加油圖案來為Sammi打氣。