黃心穎偷食人夫　唐文龍：畀當事人冷靜吓

無綫小花黃心穎與人夫許志安的偷食事件轟動全城，不少傳媒今早在黃心穎住所樓下守候，一直未見她蒲頭。

約下午二時許，見到藝人唐文龍與布偉傑夫婦，記者上前影相時，唐文龍反問記者等邊個？得知等黃心穎後，被問到有冇留意她的新聞？唐文龍點頭說：「畀當事人冷靜吓，兩個（黃心穎同馬國明）都係我朋友。」表示有慰問他們，問到二人情況如何？他說：「呢啲等佢哋交代咗先，畀啲空間佢哋，呢件都唔係愉快嘅事，我作為外人唔講太多。」

而布偉傑拖實太太正步入黃心穎所住的大廈，問到是否住這裏？布偉傑說：「我住呢度。（有冇見過黃心穎？）冇，我都係搬咗過嚟幾個月，未見過佢。」唐文龍問到點解會在此出現，身為環保份子的他，表示今早三人自發性地到沙灘執垃圾，清潔沙灘。