倫敦留情　黃心穎鄭俊英同陷桃色風波

藝人黃心穎與許志安車廂激情，陷入桃色風波。性格主動和積極嘅黃心穎，其實早於2017年曾經與韓星鄭俊英去過倫敦拍攝節目，當時心穎仲話感到好緊張，又指拍攝過程相當順利，大家一拍即合，因為「可能係大家都比較Outgoing，比想像中易相處，兩日時間好快過。」

當時黃心穎又自爆拖手時有觸電感覺，仲大讚對方好細心，合作得好舒服，大家隨性發揮，連導演都讚我哋襯。」之後仲話大家有留下聯絡方式，鄭俊英叫黃心穎去韓國記得搵佢添。點知依家兩位分別陷入桃色風波之中，唔知幾時先有時間再見面。