真男人！马国明继续保护黄心颖

艺人黄心颖背男友马国明啜爆人夫许志安，马国明今日为无綫剧集《降魔的2.0》开工，马国明风波后憔悴现身，他在电视城接受访问，面对众多传媒的他有备而来，首度开腔谈讨论此事。

马国明现身时非常平静，仍处处维护着黄心颖，他说：“其实呢件事我知道后，好快冇咗嬲嘅感觉，我系好快变成担心，担心呢件事牵涉嘅所有人，任何一个受到伤害我都唔希望，我可以代佢（黄心颖）讲少少嘢，佢知自己做错咗，佢好想出嚟同大家讲，但公司惊佢情绪唔稳定，惊佢会讲错嘢，所以冇安排佢出嚟讲，我知佢啱啱都喺IG讲咗嘢，我只可以话佢仲系好年轻，未来仲有好多路要面对、要行，希望大家畀啲空间佢，大家亦唔使担心我，我会继续专心工作，会继续拍戏，唔希望影响拍戏进度。安仔都讲咗嘢，我唔会发表任何意见，呢个世界冇人有资格发言，除咗安仔太太外，希望件事可以尽快平息。”

马国明亦请大家不要采访父母，指父母不是圈中人，希望大家不要将母亲的说话放大，更谓：“希望大家高抬贵手，唔好吓亲我屋企人，我只可以讲咁多，嚟紧我会专心工作，多谢大家关心，唔好将件事再发酵。”

马国明于现场一见到众多传媒，都不禁“哗”了一声，访问去到尾声，传媒问他现时与黄心颖是甚么关系，有没有跟她分手，马国明回答谓：“我谂我冇嘢要再讲嘞！”态度相当大方。