黃心穎重開IG留言功能　阿感力撐遭圍插

偷食人夫許志安的黃心穎剛剛喺社交網Post道歉文，早前已關閉ig留言功能的她，Post出道歉文後隨即開通番留言功能，但只係畀互相關注的好友留言，未有開放予公眾，隨即有三位好友留言撐佢，包括藝人黎國輝（阿感）：「勇於承擔 也不容易 要明白和體諒你的人 自然會懂 還有未來的日子」。

另外，仲有兩位好友留言指：「人誰無過。你們當中誰沒有罪，誰就先拿石頭砸她。」、「經一事，蔡一智，自我反醒，重新做人！」

而阿感留言後，網民即到佢ig舊post留言圍插佢幫黃心穎。而另一位黃心穎留言的好友未知是否見阿感「前車可鑑」，幾分鐘後急急刪除留言。