自認檢點！周柏豪夠定力：所有嘢同老婆交代
20190417
東網電視
更多新聞短片
周柏豪自認好檢點，所有嘢都會同老婆交代。
歌手周柏豪擔任HPV健康教育大使，推廣男士都應該打HPV預防針，並指在決定出任宣傳大使後已打針。問到可是因為要做爸爸要安全？他說：「一定，但幾時都要安全，行動同心靈上都要保護另一半。」
講到工作，他稱暑假會拍新劇，6月則在會展開小型音樂會，因已有近兩年未開騷。暑假拍劇可擔心中暑？他說：「都會㗎，咁拍嘢係咁，夏天拍戲着厚衫，冬天就拍夏天衫，試過上海開騷凍到落雪，但都要爆衫演出。」問到6月個騷都爆衫？他笑說：「開心為主。（爆肌咪開心囉！）我仲有好多嘢娛樂大家，唔一定要爆肌，會試一啲紅館做唔到嘅嘢，同歌迷拉近距離。」
講到男藝人要小心女色，柏豪即說：「BB仔OK嘅！太太都同我分擔唔少工作同心靈上壓力。（呢個圈好多誘惑？）我自己好檢點，我所有嘢都會同老婆交代。（事前定事後交代？）好似拍親熱戲都會同老婆講，唔會等見街佢先知。（有冇飛來蜢？）可能有，但我自己唔知。（定力如何？）我做開運動，個人都堅持好有信念。」問到可有應酬飯？他說：「都會有。（會留好耐？）睇吓肚唔肚餓啦，如果食咗飯咪打個招呼走囉。坦白講我好少有應酬飯，開頭入娛樂圈以為好多應酬飯食，點知都唔係，餐餐自己畀嘅。」
另外，問到暑假的新劇合作演員可有馬國明或黃心穎？他謂：「聽聞好似有馬國明，但真係好多嘢未定，唔係太清楚。」
----------------------------
東網巨星開咗ig喇，大家快啲follow啦！