許志安取消個唱止蝕 黃柏高:希望唔使賠償

2019年04月17日 18:49
東網電視
更多新聞短片
黃柏高(右圖右)話依家許志安惟有見步行步,冇乜嘢可以做到。

歌手許志安因為與黃心穎偷食,召開記者會認錯向太太鄭秀文(Sammi)道歉,並宣布暫停所有工作,深切反省。安仔原定在九月開四至五場演唱會,現在亦要取消,經理人黃柏高(Paco)證實消息,他說:「因為大家(公司同事)都覺得依家好難繼續落去,因為過渡時間都要幾個月,依家要搵項目頂上個期,仲未知係邊個項目。」他透露安仔除了演唱會外,還有好多商演登台及一連串的內地騷等,問到損失可有7位數字?他說:「呢一刻唔係錢嘅問題,目前最緊要解決問題,希望唔使賠償。」

Paco透露安仔情緒依然非常差,朋友好痛心,都有慰問佢。而據知Sammi已經搬離淺水灣唔肯見人,朋友都擔心兩人婚姻危危乎,Paco表示:「Sammi原唔原諒佢,係關鍵,佢現階段惟有見步行步,冇乜嘢可以做到,呢啲係兩個人嘅事,外人好難評論。」

安仔對於這個演唱會期望甚殷,他在二月中時曾在社交網甫出演唱會第一個Meeting,當時黃心穎更留言:「服務第一。。。有機會嗎?」雖然演唱會早已埋班籌備中,但公司評估過眾怒仍未平息,難於找贊助、賣飛,情況已涷過水,不如現階段蝕幾場紅館場租,總好過之後損失更無法估計。

----------------------------
東網巨星開咗ig喇,大家快啲follow啦!
https://bit.ly/2JjSVcr