預言「狂摸的」?許志安戲都做過!

2019年04月17日 23:00
東網電視
更多新聞短片
戲如人生...

許志安、黃心穎「狂摸的」事件,成為全城熱話,佢哋喺車廂「攬啜摸」,睇到人O晒嘴!萬能嘅網友,最叻揭人瘡疤。有人摷番許志安、劉青雲、陳豪、陳小春、張智霖演出嘅《歡樂時光》片段,個劇情同佢「狂摸的」事件似到十足,唔通呢套戲係預言?

佢話:「嗰晚我自己飲到High晒,點知有人撲埋嚟,佢仲扯起我!」劉青雲就問:「扯起你啲咩?」安仔口窒室:「吓,咩呀,扯起我囉,件衫呀!」睇到呢到已經好好笑!

安仔繼續話:「我個心好亂,我好想推開佢,我覺得畀個女仔攬好唔舒服,我諗住忍住一次半次,佢不斷係咁攬,又係咁錫!」個劇情好熟咁喎!呢個時候,小春對住張智霖話:「佢講大話叻過你九十幾倍!」

更爆嘅陸續有嚟,佢話:「最少我喺佢面前,我似番個男人,點知...點知...我冇反應!(青雲:性無能?)我唔鍾意女人咋!我有固定男友!」佢望住陳豪,講咗句:「我Gay㗎!」真係得啖笑!