天氣惡劣　Ed Sheeran戶外騷宣布取消

英國唱作天王Ed Sheeran昨晚起一連兩晚在香港迪士尼樂園露天場地舉行戶外騷，今次更請來日本人氣樂團ONE OK ROCK（OOR）做暖場嘉賓，不過本港天氣於下午開始轉差，天文台於下午5時05分發出雷暴警告，並預料香港會有驟雨及狂風雷暴，初時主辦方晚上宣布原定於7點45分開始的演唱會，因為天氣原因而將會推遲開始時間，主辦對此表示抱歉，其後主辦宣布由於天雨雷暴，今晚演出取消，稍後會安排退票。

而Ed Sheeran透過Instagram上載數段自拍片，向在雨中等待的樂迷致歉：「真係好抱歉，我已經喺度綵排好同準備好，但佢哋同我講依家外面行雷閃電，一直叫我等多半個鐘，真係好抱歉要大家喺雨中淋濕晒喺度等，但最後都係取消，佢哋話會安排退錢，真係非常非常抱歉浪費大家時間。」

而森美與歌手JW（王灝兒）等今晚亦有分別到來捧場，都有帶雨衣去睇騷做不時之需，森美由7點企到晚上，自認老了。雖然睇唔到騷，他就在車上聽偶像的歌。