原諒黃心穎？馬國明情傷太深三字回應

「安心偷食」令馬國明成為受害者，他前日已出來見記者，表示會專心工作，叫大家不用擔心。他昨晚（18日）為無綫劇集《降魔的2.0》拍攝外景，而同場的還有譚凱琪。不過拍攝場口就跟黃心穎、許志安的酒後事件橋段相似。

劇情講述譚凱琪飲到醉醺醺，原本馬國明見到她都想避開，但譚凱琪卻在此時被人撞到，更正正撞番落馬國明身上，期間對他又拉又扯，更一度逼到馬國明埋牆。即使場口應景，但馬國明開工時相當專業，絕無影響他的拍攝情緒，而且心情明顯不俗，與現場工作人員有講有笑。

馬國明拍畢該場口後接受東網訪問，說到鄭秀文公開表示原諒許志安，他即謂：「咁咪好囉！(咁你會否原諒心穎？) 唔答嘞！之前都講晒！」期間，不少街坊見到馬國明都大叫：「我哋好支持你㗎！馬國明，你加油呀！」另外，譚凱琪被問到場口有點應景時，她即帶點尷尬說：「都係順住正常咁拍！(馬明有冇唔開心？)冇喎！佢好專業喎！」