張建聲大戰全裸松岡李那嗌辛苦

性感日模松岡李那在電影《作家的謊言：筆忠誘罪》中有超索演出，故事講述張建聲（Justin）飾演的作家徐哲，表面是有妻有女的幸福暖男，卻搭上熱情美女住客松岡李那，滿肚密圈的松岡更登堂入室挑戰正印何珮瑜（Jeana），不過色字頭上一把刀，Justin結果惹來一身蟻。

電影首條官方預告片及海報曝光，片中松岡僅穿性感胸圍內衣、披上羽毛的誘人天使造型，相當養眼。Justin戲中跟松岡及Jeana都有親熱戲，令不少男士羨慕，但Justin說：「呢套係懸疑驚慄片，估邊個係兇手先係重點。小弟入行到依家拍咗幾部三級片，最勁係《一路向西》，所以唔係話享唔享受，係觀眾睇得舒唔舒服，其實係拍得頗辛苦，又要借位，之前又要排戲，同埋唔好有咁多NG。」