黃心穎事業一鋪清？樂易玲：換其他藝人取代

無綫高層樂易玲今晚到紅館欣賞吳業坤演唱會，期間被問到旗下女藝人黃心穎於偷食事件中形象盡毁，致所有工作及劇集都要抽起？她說：「坦白講，係嘅！Job、商演、出埠嘅工作，都換咗其他藝人取代！（賠償？）啲客好好，冇要求賠償，（劇集要入雪櫃？）希望時間快啲過啦！（解約？）暫未諗呢個問題，因為仲有好長約，停一陣先，呢個都係佢意願，因為佢都做唔到嘢！（安排佢出嚟交代？）等佢Ready後就可以！（心情未平復？）一時時啦，尋日有聯絡佢，知佢情緒唔係好穩定，成日喊！（佢依家喺邊？）佢喺香港！（怕佢做傻事？）有佢家姐上佢屋企睇住！」至於另一位受害人馬國明，仍繼續開工，樂易玲大讚他專業：「係絕世好男人，好Man﹑好靚仔！」