郭奕芯情挑吳慷仁 廚房肉搏油淋淋

2019年04月20日 00:01
東網電視
更多新聞短片
郭奕芯要主動情挑吳慷仁。

藝人蔡卓妍(阿Sa)在英皇電影《非分熟女》中飾演性抑壓女角,跟台灣影帝吳慷仁有大膽情慾戲,角色甚有發揮。除了阿Sa,飾演豪邁街市妹的年輕女藝人郭奕芯(Ashina)同樣有大膽演出,主動情挑吳慷仁。

除了素顏上陣,Ashina更要「加料」搽上厚厚面油,跟吳慷仁在廚房的情慾戲絕對是「油淋淋」,令她相當難忘:「我連頭髮都搽到黐立立,仲要錫,結果大家都『好立』,幾新鮮幾好玩!呢場戲喺廚房發生,未算好污糟,但地方好硬,都辛苦,驚整親。(吳慷仁有冇提點你?)佢好親切,話睇過我演出,估唔到會留意我呢個小角色,證明佢好尊重對手,仲同我分析戲入面佢好似我玩具咁,要我做主動玩弄佢。」

現實鍾意男仔主動

問到現實是否跟角色一樣主動?她說:「我好少追男仔,通常都要對方行第一步,我唔會好似個角色咁進取,亦冇佢咁自信,素顏都覺得自己咁有魅力。」

講到年前在電影《同班同學》中的情慾戲令觀眾印象深刻,問到會否怕被標籤?她說:「其實呢幾年都有拍其他戲,我好樂觀,如果人哋標籤得你,證明留意咗你一段日子,我唔會太介意,香港人好善忘,況且戲路唔係自己揀,我會一路有新角色,畀大家睇到唔同嘅我。」

化妝:Kayan@Kayan Makeup
髮型:Bowie Lo@FIFTH SALON
服裝:PENNYBLACK
場地:英皇駿景酒店