係咪生咗？單文柔生日同陳展鵬甜蜜對望勁冧

現時喺屋企專心待產嘅單文柔（Pheobe）尋日29歲生日，老公陳展鵬就算幾忙都特登放假同老婆慶祝！Pheobe喺Instagram上載合照，一面幸福嘅佢同展鵬甜蜜對望，不過網民都將重點放咗喺佢個肚度，發覺佢個大肚好似消失咗咁，紛紛問佢係咪已經生咗bb喇？

愛妻號展鵬就留言：「3個月繁忙的工作，能放的假就是為了今天。陳太辛苦妳了。祝每年開心快樂」唔少好友包括陳凱琳、傅嘉莉、鍾睛、張名雅都紛紛祝福Pheobe！

東網問到佢係咪已經「卸貨」時，佢就只以一個哈哈笑emoji回應：「Thanks！」非常神秘！