究竟係邊個？黃心穎被爆兩度拖仔返香閨

黃心穎、許志安偷情事件，震驚全城！今日又有人爆料，有自稱係心穎嘅鄰居指，見過心穎分別同過兩個男子返屋企。一位係組合男結他手，爆料者話呢位結他手成日畫眼線，仲就嚟開演唱會添。而另一位係電台男主持，仲話佢哋十指緊扣返屋企，喺電梯內舉止親暱。

樂隊Mr.成員MJ被指係傳聞中與黃心穎有親密關係嘅眼線結他手，佢喺電話中表示：「冇啦，唔係我，我同佢係朋友，係識嘅，識咗好多年，但絕對冇私下單獨見面，次次都係工作上，仲有成班朋友一齊。（有冇覺得自己好無辜？）希望外界唔好有咁多揣測囉。」

至於Like過黃心穎道歉文嘅森美，對於被懷疑係傳聞中曾同黃心穎十指緊扣嘅電台男主持人，森美話：「我冇私底下、工作以外冇同心穎見過面，所以唔係我。」