會教啲乜？朱婉禎計劃開辦男女朋友課程

藝人朱婉禎（Rainie）與前男友拍拖多年，因前無綫新聞主播陳嘉倩介入而分手，曾為戀情喊爆一度失眠。Rainie日前出席開幕活動，被問到感情狀況，她表示現時享受單身生活，並積極努力發展不同類型工作：「感情方面會隨緣，目前專注工作，除咗繼續參與無綫劇集拍攝之外，亦會嘗試創業。」

Rainie指時下不少年輕人都好有創意，而夢想絕對需要身體力行去建立：「所以應該勇敢踏出一步，為自己闖出一片天。我會同朋友合作創業，不過現時仲係處於商討同市場調查階段，我哋希望可以做到冷門少少嘅業務，正有意開辦男女朋友課程，內容係會將每一對情侶客戶嘅認識，生日等紀念日子記錄在案，並會按時為該對情侶貼身打造最開心嘅慶祝活動，一切安排妥當，讓繁忙嘅打工一族情侶有美好回憶。」