身體麻麻！梁嘉琪揀Job做唔捱夜

藝人梁嘉琪出席兒童比賽活動，拍檔林盛斌（Bob）向在場兒童骨科醫生「介紹」她，隨後再向醫生表示自己「大把筍盤」，嘉琪即投訴說：「咪介紹咗我囉。」Bob反駁：「人哋都唔想同你傾偈。」場面搞笑。

嘉琪透露日前狂風暴雨下，自己外出工作，返家時連續被兩架貨車淺起的水花弄濕，相當狼狽！她續謂：「最黑仔係屋企突然停電，我攞住一大袋食物行咗十幾層樓梯先返到上去，所以之後都唔敢再出街喇，真係好恐怖！」

由於去年身體狀況不佳，嘉琪坦言今年不會接太勞累的工作，希望養精蓄銳：「嚟緊都會計劃同屋企人去下旅行，輕輕鬆鬆嘅工作可以嘅，但捱更抵夜就唔好啦。」當問到有否問候《學是學非》拍檔黃心穎，嘉琪答：「冇呀，呢個時間應該畀空間佢處理情緒，希望所有人都快啲回復正常生活。」