咁啱呀！林嘉欣同過許志安拍出軌戲

歌手許志安（安仔）與黃心穎偷食事件成為全城熱話，早年曾和許志安和李心潔合演電影《救命》、當中情節也涉及出軌的女星林嘉欣，今晚出席活動時，被問到會否有感當年情節跟「安心偷食」相似，她說：「嗰部戲係講我出軌，唔係好關事。（對安心事件有咩睇法？）人哋屋企嘅事我就唔講嘞，當事人最清楚，我作為第三者唔方便評論。（短訊慰問安仔？）冇。（呢件事你驚訝嗎？）人大咗，其實冇乜嘢好驚，好似全球暖化、北極都冇冰啦，所以都冇話有啲值得驚訝嘅事。」