咬住安心唔放！梁裕恒抽水讲阴谋论

落选港男梁裕恒（Flow）连日嚟喺社交网发文力撑黄心颖，受到网民围攻！今日佢再发功，亲自拍片解构“安心偷食”事件，令件事变得更阴谋论。

Flow向网民发问咗唔少问题，要大家去思考，寻求真相。佢话“安心”呢个关系已经有两年，唔系当晚醉后乱性，又设咗唔少问题。例如“安心”落楼，楼下咁多的士，点解会拣中嗰架的士；而正常的士车cam影嘅喺左边，而今次车cam一早就放咗喺右手边对住许志安嚟影；点解咁知名嘅人士喺车度会做啲咁嘅嘢；又反问发生事后经济上最大得益者系边个？边个受人同情？

佢又指件事并唔系简单嘅桃色事件，许志安开记者会，将件事变性爱关系，而佢哋嘅关系已发生一段时间；又话马国明出嚟讲嘢态度好似形容紧第三者嘅事，又指郑秀文系咪真系可以第日就可以原谅佢老公？

Flow在喺社交网留言：“断送了前途，但问心无愧！真心胶”、“如大家仍要针对人，不针对事，我没办法！”但网民睇完依家唔buy佢，闹佢将事件继续发酵。