唔做「馮齊蔭」　馮盈盈撥開前面見到乜？

前港姐冠軍馮盈盈亮相無綫綜藝節目《娛樂大家》，講到剛拍畢劇集《極道怪咖》，問是否會捨棄齊蔭造型？她說：「係呀，呢部劇畀人新鮮感就係我個齊蔭，但經過3個半月之後大家就覺得齊蔭好悶，所以依家個新鮮感係撥番開，露番個額頭，又試其他唔同造型。」她透露已請好大假與中學女同學去泰國叉電休息，更承諾會影靚相「派軍糧」，問是否包括泳衣照？她表示要睇情況：「之前拍劇好忙瘦咗好多！未拍之前都有啲肥，有成108磅，依家得番100磅，但我係冇刻意減肥。」問會否帶定胸墊「僭建」？她大笑說：「瘦嘅話影出嚟會有骨感美！」

問到為何旅伴不是男友「寶寶」？盈盈指對方正努力溫書：「佢31歲人都仲溫緊書，要準備佢31年嚟最後一個專科醫生考試，對佢嚟講好緊要！作為一個好嘅女朋友就要全力支持佢，就係出去玩，離開香港唔好騷擾佢、唔好阻住佢。（佢有多謝你？）佢不知幾感激我！我會買多啲螢光筆、原子筆畀佢，我5月中至尾就同Louisa（麥明詩）去荷蘭。」