PTGF X PTBF!張沛樂戀上陳安立
原創劇《向西聞記》上周播出單元《咖喱雞》後反應相當不俗,明日(4月26日)將推出由張沛樂(沙律)和陳安立(Brian)主演的另一單元《PTGF & PTBF》;兼職女友及兼職男友為近年興起的爭議性暗黑行業,這個新單元正是講述做ptgf(part time girl friend)的沙律遇上abc陳安立,導他入行做ptbf(part time boy friend)之餘,仲親自傳授食女攻略,不過兩人卻在複雜的感情世界開展了一段純純的關係,Brian更上演甜蜜公主抱,抱住沙律行海旁,相當浪漫。
爆粗片流出
片中自然有提到時下港男港女的情感,沙律教Brian溝女要簡單直接,在「又高又型又靚仔,講咩都係道理」的「金科玉律」之下,就應該兜口兜面同對方講「今晚我想x你!」沙律呢條爆粗片日前流出,不足一日已過12萬views,對此她笑說:「戲裏面講粗口冇咩心理障礙,因為好多時啲戲唔畀講粗口,有得講嘅時候相對令自己放啲,不過我平時甚少講粗口,唔會好似戲入面咁粗口爛舌。」
夾公仔好好玩
至於ptgf這種特殊行業,其實沙律不太了解:「開頭好唔明點解要做呢個行業去搵錢,冇可能要用自己身體嚟交換,但當我接咗呢個角色,我就認真諗佢哋嘅心態。」講到對沙律施公主抱一幕,Brian表示冇難度,他笑說:「佢咁fit,好輕盈,同沙律拍戲最難搞反而係玩夾公仔機嗰段戲,我哋夾咗百幾二百次先夾到,所以最後成功夾到係好開心。」