學神出沒注意！倪晨曦為呢樣嘢考車牌

網絡女神倪晨曦出席時裝品牌活動，問到婚禮進度時，她透露還未定實日期及地點：「會喺外國舉行，預計今年年尾或明年頭，冬天舉行，但就去啲熱帶地方。」繼又表示最近積極學新嘢：「我依家學緊揸車，其實以前喺外國都有揸，返咗嚟香港之後十年冇揸過，所以由頭開始學過。（點解想學番？）因為想旅行可以自駕遊。（係咪計劃婚後揸車接送小朋友？）都會想生小朋友，但呢樣嘢順其自然。」 除學車外，她還表示正在學跳舞：「依家學緊Hip Hop，自己都難想像，基本功已經覺得好難，因為完全冇學過，想挑戰吓自己。」